ኃይለእግዚአብሔር አድሐኖም፡ ቦነስ ኤየርስ – ጥቅምት 01/2011 ዓ.ም

በቦነስ ኤይረስ፡ አርጀንቲና እየተካሄደ በሚገኘው እና 5ኛ ቀኑን በያዘው የታዳጊዎች ኦሊምፒክ ጨዋታዎች እየተካፈለ የሚገኘው የኢትዮጵያ አትሌቲክስ ቡድን በጥሩ ሁኔታ ዝግጅቱን ሲያደርግ መቆየቱን የቡድኑ አባላት እንደሚከተለው ይገልጻሉ፡፡

አሰልጣኝ አብርሐም ኃ/ማርያም ” ረዘም ላለ ጊዜ ልምምድ መስራታችን፡ ቀደም ብለን ወደ ውድድሩ ቦታ መመምጣታችን ከልጆቹ በጥሩ አቋም መገኘት እና ጤናማ መሆን ጋር ተደምሮ ከፈጣሪ ጋር በውድድሩ ጥሩ ውጤት ለማምጣት እናስባለን”

አትሌት ሒሩት መሸሻ ” በጣም በጥሩ ሁኔታ ተዘጋጅተን ነው የመጣነው፡ እዚህ ከመጣን በሗላም ለውድድሩ የሚያግዙን ልምምዶችን ሰርተናል ከአየር ፀባዩም ጋር እየተለማመድን እንገኛለን፡ በአጠቃላይ ጥሩ ሁኔታ ላይ እንገኛለንገኛለን”

በውድድሩ መርሀ ግብር መሠረት የኢትዮጵያ አትሌቶች የሚሳተፉባቸው የተወሰኑ የቀጣይ ቀናት የውድድሮች ፕሮግራም እንደሚከተለው ቀርቧል፡፡

✍ ሀሙስ ጥቅምት 01 ከምሽቱ 3:05 – የ3000ሜ ሴቶች የመጀመሪያ ዙር ፍጻሜ – አትሌት አበራሽ ምንስዎ

✍ ጥቅምት 01 ከምሽቱ 3:30 – የ3000ሜ ወንዶች የመጀመሪያ ዙር ፍጻሜ – በሪሁ አረጋዊ

✍ ጥቅምት 01 ከምሽቱ 4:20 – የ800ሜ ሴቶች የመጀመሪያ ዙር ፍጻሜ – አትሌት ሒሩት መሸሻ

✍ አርብ ጥቅምት 02 ከምሽቱ 2:30 – የ5000ሜ ሴቶች የርምጃ ውድድር ፍጻሜ- አትሌት ስንታየሁ ማሬ

✍ ጥቅምት 02 ከምሽቱ 3:10 – የወንዶች 2000ሜ መሠ. የመጀመሪያ ዙር ፍፃሜ – አትሌት አብርሀም ስሜ

✍ ጥቅምት 02 ከምሽቱ 3:25 – የሴቶች 2000ሜ መሠ. የመጀመሪያ ዙር ፍጻሜ – አትሌት መቅደስ አበበ

✍ ጥቅምት 02 ከምሽቱ 3:40 -የሴቶች 1500ሜ ማጣሪያ – አትሌት ለምለም ሀይሉ

✍ ጥቅምት 02 ከምሽቱ 4:00 – የወንዶች 1500ሜ ማጣሪያ – አትሌት መለሠ ንብረት

ማስታወሻ:- የታዳጊዎች ኦሊምፒክ የአትሌቲክስ የውድድር ህግ ከ1500, 3000 እና 2000ሜ መሠናክል ውጭ ያሉት ውድድሮች የፍጻሜ ውድድር ሁለት ሁለት ጊዜ የሚከናወኑ ሲሆን በሁለቱም ውድድሮች በተመዘገቡ ሰአቶች በአማካይ የተሻላ ሰዓት ያመጡ አትሌቶች የአጠቃላይ አሸናፊ የሚሆኑ ሲሆን፡ ከላይ በተጠቀሱ የውድድር አይነቶች የሚሳተፉ አትሌቶች ደግሞ የመጀመሪያውን ዙር በነዚህ ውድድሮች ይሳተፉና ሁለተኛውን ዙር ደግሞ በ4 ኪ.ሜ የአገር አቋራጭ ውድድር የሚሳተፉ ሲሆን አሸናፊውን ለመለየት በተመሳሳይ የትራክ እና አገር አቋራጭ ውድድሮች የተመዘገቡት ሰአቶች አማካይ ውጤት የሚታይ ይሆናል፡፡

አለም አቀፉ የአትሌቲክስ ፌዴሬሽኖች ማህበር ለዚህ ህግ መሻሻል ያስቀመጠው ምክንያት ታዳጊዎች ከቶሎ አሸናፊ መሆን ይልቅ ብርታት ላይ እንዲያተኩሩ በማሰብ ነው ያለ ሲሆን የአሸናፊው በአንድ የፍጻሜ ውድድር ብቻ አለመታወቅ ቅሬታ የፈጠረባቸውም አልጠፉም፡፡

Please follow and like us:

Leave a Reply

Your email address will not be published. Required fields are marked *