Monthly Archives: February 2019

L-R, Ethiopian’s Kebene Chala, Alemnesh Herpha and Meseret Dinkie, after finishing 3rd, 2nd and 1st respectively, at the Access Bank Lagos City Marathon 2019.
Photo by: Haileegziabher Adhanom

ኃይለእግዚአብሔር አድሐኖም


ሌጎስ ናይጀሪያ – ጥር 25/2011 ዓ.ም – ኢትዮጵያውያኑ አትሌቶች ስንታየሁ ለገሰ እና መሰረት ድንቄ ዛሬ ረፋድ ላይ  በቀድሞዋ የናይጀሪያ መንግስት ዋና ከተማ: የተከናወነውን ፈታኙን የሌጎስ ሲቲ ማራቶንን አሸንፈዋል፡፡

በአትላንቲክ ውቅያኖስ ጠረፍ ላይ በምትገኘው እና ለመሮጥ አይደለም ለመተንፈስ አስቻጋሪ የሆነ እና ወበቃማ የአየር ሁኔታ ባላት ሌጎስ ከተማ ለ4ኛ ጊዜ የተከናወነውን ይህንን ማራቶን ኢትዮጵያውያን አትሌቶች  ለመጀመሪያ ጊዜ በሁለቱም ፆታዎች አሸናፊ ሆነዋል፡፡

በውድድሩ ለሶስተኛ ጊዜ የተሳተፈው እና ሳይጠበቅ ውድድሩን 02:17:28 በሆነ ሰዓት ኬንያውያኑን ጆሽዋ ኪፕኮሪር እና ዬጎ ዊሊያም በማስከተል ያሸፈው አትሌት ስንታየሁ ለገሰ “በህመም ምክንያት ለውድድሩ የምፈልገውን ያክል ባልዘጋጅም እንደማሸንፍ እርግጠኛ ነበርኩ፡፡ ለማሸነፌ ትልቁ ምክንያት ደግሞ ውድድሩን አስቀድሜ ስለማውቀው በሌሎች አሯሯጥ ሳልደናገር የራሴን ሩጫ በመሮጤ ነው”  ሲል አስተያያቱን ሰጥቷል፡፡

ለመጀመሪያ ጊዜ ማራቶንን የሮጠችው እና ልክ እንደ ስንታየሁ ሁሉ ሳትጠበቅ ውድድሩን 02:48:02 በሆነ ሰዓት  በቀዳሚነት ያጠናቀቀችው መሠረት ድንቄ በበኩሏ “እጅግ በጣም ፈታኝ እና አስቸጋሪ ውድድር ቢሆንም በጥሩ ሁኔታ ስለተዘጋጀሁ ውድድሩን ላሸንፍ ችያለሁ፡ በቀጣይ አመት ስመለስ ደግሞ የግል ሰዓቴንም ሆነ የውድድሩን ሪከርድ ለማሻሻል እሞክራለሁ” ብላለች፡፡ የሀገሯ ልጆች የሆኑት የአምናዋ የውድድሩ አሸናፊ አለምነሽ ሄርጳ እና ቀበኔ  ጫላ እሷን በመከተል ሁለተኛና ሶስተኛ ደረጃን በመያዝ አጠናቀዋል፡፡

In the Middle, Ethiopi’s Sintayehu Legesse, during the medal ceremony after he won the Access Bank Lagos City Marathon 2019.
Photo by: Haileegziabher Adhanom

ወድድሩን በሁለቱም ፆታዎች ላሸነፉ አትሌቶች ለእያንዳንዳቸው 50,000 የአሜሪካን ዶላር በሽልማት የሚሰጥ ሲሆን: ሁለተኛ ለወጡ 40 ሺህ፡ ሶስተኛ ሆነው ላጠናቀቁ ደግሞ 30 ሺህ እንደተመደበ አዘጋጆቹ ገልፀዋል፡፡  ከ4ኛ እስከ 10ኛ ደረጃን ይዘው ላጠናቀቁ አትሌቶችም ደረጃቸው መሠረት በማድረግ ከ15,000 እስከ 2,000 ዶላር በሽልማት መልክ እንደሚያገኙም ታውቋል፡፡

Group Photo of Ethiopian Trio, Aleminesh, Meseret and Kebene, after finishing 1,2,3 at the Access Bank Lagos City Marathon 2019.
Photo by: Haileegziabher Adhanom

Please follow and like us: